സഞ്ജു സാംസൺ യുവ എംഎസ് ധോണിയെപ്പോലെ റൺസ് അടിക്കും മെഷീൻ!! വാനോളം പുകഴ്ത്തി സ്വാൻ
രാജസ്ഥാൻ റോയൽസ് ക്യാപ്റ്റൻ സഞ്ജു സാംസണിന്റെ ശാന്തമായ പെരുമാറ്റവും കളി വായിക്കാനുള്ള കഴിവും അദ്ദേഹത്തെ മഹാനായ മഹേന്ദ്ര സിംഗ് ധോണിയുടെ യുവ പതിപ്പായി തോന്നുന്നുവെന്ന് മുൻ ഇംഗ്ലണ്ട് സ്പിന്നർ കരുതുന്നു. ഈ സീസണിൽ 12 മത്സരങ്ങളിൽ നിന്ന് 356 റൺസാണ് സാംസൺ നേടിയത്.154.77 എന്ന സ്‌ട്രൈക്ക് റേറ്റിൽ ആണ് ഇത്രയും റൺസ് സ്വന്തമാക്കിയത്..”സഞ്ജുവിനെ കുറിച്ച് എനിക്ക് ഇഷ്ടം എന്തെന്നാൽ അദ്ദേഹം മികച്ചൊരു ക്യാപ്റ്റനായി മാറി.സ്ഥിരതയുള്ള ഒരു മുതിർന്ന കളിക്കാരനായി. സഞ്ജു തന്റെ കഴിവ് വിളിച്ചറിയിക്കുകയും ചെയ്തു”ജിയോസിനിമയുടെ വിദഗ്ദ്ധ പാനലിന്റെ ഭാഗമായ സ്വാൻ പറഞ്ഞു.
‘ നാലോ അഞ്ചോ വർഷം മുമ്പ് സഞ്ജു എങ്ങനെ ആയിരുന്നുവെന്നു നമുക്ക് എല്ലാവർക്കും അറിയാമായിരുന്നു. അദ്ദേഹം ആറേഴു കളികൾ ഒന്നും ചെയ്യാതെ അനായാസം പോകും, പിന്നെ ഒരു മിന്നുന്ന ഇന്നിംഗ്സ് കളിക്കും.ഇപ്പോൾ അദ്ദേഹം രാജസ്ഥാനിലെ മിസ്റ്റർ ഡിപൻഡബിൾ ആണെന്ന് ഞാൻ കരുതുന്നു” സ്വാൻ പറഞ്ഞു.
” സഞ്ജു വളരെ ശാന്തനാണ് ,കരുത്തനാണ്,ഒരു യുവ എംഎസ് ധോണിയെപ്പോലെയാണ്. അദ്ദേഹത്തിന്റെ ക്യാപ്റ്റൻസിയിൽ ഞാൻ ധോണിയെ കാണുന്നു .അയാൾക്ക് ശാന്തത നഷ്ടപ്പെടുന്നില്ല എന്താണ് സംഭവിക്കുന്നതെന്ന് ഗെയിം നന്നായി വായിക്കുകയും ചെയ്യുന്നു, ”അദ്ദേഹം കൂട്ടിച്ചേർത്തു.
കൊൽക്കത്ത നൈറ്റ് റൈഡേഴ്സിനെ തൂത്തെറിഞ്ഞ് രാജസ്ഥാൻ റോയൽസ്. പൂർണ്ണമായും രാജസ്ഥാൻ ആധിപത്യം സ്ഥാപിച്ച മത്സരത്തിൽ 9 വിക്കറ്റുകളുടെ വിജയമാണ് സഞ്ജുവിന്റെ പടയെ തേടിയെത്തിയത്. കഴിഞ്ഞ മത്സരങ്ങളിലൊക്കെയും വിജയം കൈവിട്ട രാജസ്ഥാന് പ്ലേയോഫ് പ്രതീക്ഷകൾ നിലനിർത്താൻ ഈ പ്രകടനം സഹായിച്ചിട്ടുണ്ട്..
