ക്യാപ്റ്റൻസി വേറെ ലെവൽ!!സഞ്ജുവിനെ മറക്കാതെ രാഹുൽ ദ്രാവിഡ്‌ : ക്യാപ്റ്റൻസി പുകഴ്ത്തി ഹെഡ് കോച്ച്

ഐ‌പി‌എൽ പോലുള്ള ഒരു ഗെയിമിൽ ഇന്ത്യൻ കളിക്കാരുടെ ക്യാപ്റ്റസിയിലെ വിജയം ആത്യന്തികമായി ദേശീയ ടീമിനെ സഹായിക്കുമെന്ന് ഹെഡ് കോച്ച് രാഹുൽ ദ്രാവിഡ് അഭിപ്രായപ്പെട്ടു.ഹാർദിക് പാണ്ഡ്യ ഗുജറാത്ത് ടൈറ്റൻസിനെ അവരുടെ ആദ്യ സീസണിൽ ഐ‌പി‌എൽ കിരീടത്തിലേക്ക് നയിച്ചു, കെ‌എൽ രാഹുൽ, ശ്രേയസ് അയ്യർ, സഞ്ജു സാംസൺ എന്നിവരും അതത് ക്ലബ്ബുകളുടെ (ഐ‌പി‌എൽ) ക്യാപ്റ്റൻമാരായി മികച്ച പ്രകടനം കാഴ്ചവച്ചു.

“കെഎല്‍ രാഹുല്‍, സഞ്ജു സാംസണ്‍ എന്നിവരുടെ നായക മികവും ദ്രാവിഡ് എടുത്തു പറഞ്ഞു. ഐപിഎല്ലില്‍ ഇന്ത്യന്‍ ക്യാപ്റ്റന്മാര്‍ മികച്ച പ്രകടനം കാഴ്ചവച്ചത് നല്ലതാണ്. ഹാര്‍ദിക് അവരില്‍ ഒരാളാണ്. രാഹുല്‍ ലഖ്നൗവിനെ നന്നായി നയിച്ചു, സഞ്ജു രാജസ്ഥാനെയും. കൊല്‍ക്കത്തയ്ക്ക് വേണ്ടി ശ്രേയസ് അയ്യരും. ഇത് താരങ്ങളുടെ വളര്‍ച്ചയ്ക്ക് സഹായകരമാകും. വ്യക്തിപരമായ വളര്‍ച്ചയ്ക്കും ഇത് ഗുണം ചെയ്യും,” ദ്രാവിഡ് വ്യക്തമാക്കി.

ഐപിഎല്‍ പതിനഞ്ചാം സീസണില്‍ ഹാര്‍ദിക്കിന്‍റെ ഓള്‍റൗണ്ട് മികവില്‍ ഗുജറാത്ത് ടൈറ്റന്‍സ് ടീമിന്‍റെ കന്നി സീസണില്‍ തന്നെ കിരീടം നേടുകയായിരുന്നു. സഞ്ജു സാംസണിന്‍റെ നേതൃത്വത്തിലറങ്ങിയ രാജസ്ഥാന്‍ റോയല്‍സാകട്ടെ വമ്പന്‍മാരെ ഞെട്ടിച്ച് ഫൈനലിലെത്തി അത്ഭുത്തപെടുത്തി. കെ എല്‍ രഹുലിന്‍റെ നേതൃത്വത്തിലിറങ്ങിയ ലഖ്നൗ സൂപ്പര്‍ ജയന്‍റ്സ് പ്ലേ ഓഫ് കളിച്ചപ്പോള്‍ റിഷഭ് പന്തിന്‍റെ നേതൃത്വിലിറങ്ങിയ ഡല്‍ഹി ക്യാപിറ്റല്‍സിന് നേരി വ്യത്യാസത്തിലാണ് പ്ലേ ഓഫ് ബര്‍ത്ത് നഷ്ടമായത്.

ഹാർദിക് പാണ്ഡ്യയുടെ തിരിച്ചുവരവ് കണ്ടതിൽ ദ്രാവിഡ് സന്തോഷിച്ചു, “അദ്ദേഹത്തെ തിരികെ ലഭിച്ചത് ശരിക്കും സന്തോഷകരമാണ്. ബാറ്റ് കൊണ്ടും ബോൾ കൊണ്ടും ഒരു മികച്ച പ്രകടനം നടത്തുന്ന താരമാണ് ഹാർദിക്.വൈറ്റ്-ബോൾ ക്രിക്കറ്റിൽ അദ്ദേഹം വളരെ വിജയിച്ചിട്ടുണ്ട്. ഹാര്‍ദിക് ബോളിങ് ആരംഭിച്ചു എന്നതാണ് ഞങ്ങളെ സംബന്ധിച്ച് പ്രധാനം. ടീമിന്റെ ആഴം എത്രത്തോളം അത് വര്‍ധിപ്പിക്കുന്നുവെന്ന് എല്ലാവര്‍ക്കുമറിയാം.ഒരു ക്രിക്കറ്റ് കളിക്കാരനെന്ന നിലയിൽ നമുക്ക് അദ്ദേഹത്തിൽ നിന്ന് ഏറ്റവും മികച്ചത് നേടാനാകുമെന്ന് ഉറപ്പാക്കുകയും ചെയ്തു”.