അവസരം ഇല്ല!!! സർപ്രൈസ് മുംബൈ ഇന്ത്യൻസ് ; 30 ലക്ഷം രൂപയുടെ ‘മാസ്റ്റർ ഷെഫ്’

ഇന്ത്യൻ പ്രീമിയർ ലീഗിൽ ഇതുവരെ മുംബൈ ഇന്ത്യൻസിന് വേണ്ടി അരങ്ങേറ്റം കുറിക്കാനായിട്ടില്ലെങ്കിലും, മുംബൈ ഇന്ത്യൻസിന്റെ ഔദ്യോഗിക സോഷ്യൽ മീഡിയ പ്ലാറ്റ്ഫോമുകളിൽ ഇടയ്ക്കിടെ പ്രത്യക്ഷപ്പെടാറുള്ള താരമാണ് അർജുൻ ടെൻടുൽക്കർ. മുംബൈ ഇന്ത്യൻസ് പങ്കുവെക്കാറുള്ള യുവ ഫാസ്റ്റ് ബൗളറുടെ വ്യത്യസ്ത പോസ്റ്റുകൾ ആരാധകർ ഏറ്റെടുക്കുകയും, സോഷ്യൽ മീഡിയയിൽ വൈറലാവുകയും ചെയ്യാറുണ്ട്.

ഇത്തരത്തിൽ, അടുത്തിടെ മുംബൈ ഇന്ത്യൻസ് പങ്കുവെച്ച തികച്ചും വ്യത്യസ്തമായ ലുക്കിലുള്ള അർജുന്റെ ചിത്രമാണ് ഇപ്പോൾ സോഷ്യൽ മീഡിയയിൽ ശ്രദ്ധ ആകർഷിച്ചിരിക്കുന്നത്. ഒരു മാസ്റ്റർ ഷെഫ് ആയിയാണ് ചിത്രത്തിൽ അർജുനെ കാണാൻ കഴിയുന്നത്. ഒരു ഷെഫ് ആയി, അർജുൻ തന്റെ സഹതാരങ്ങൾക്ക് വിഭവസമൃദ്ധമായ ഭക്ഷണം ഉണ്ടാക്കി നൽകുന്നു.

മുംബൈ ഇന്ത്യൻസ് സംഘടിപ്പിച്ച ഒരു ടീം ഡിന്നറിൽ, അവരുടെ ചില കളിക്കാരും പാചകത്തിൽ കൈകോർത്തു. അവരിൽ ‘മാസ്റ്റർ ഷെഫ്’ തൊപ്പി ധരിച്ചവരിൽ ഒരാളാണ് അർജുൻ. അദ്ദേഹം ബാർബിക്യൂവിൽ തന്റെ മാന്ത്രികത കാണിക്കുന്നത് വീഡിയോയിൽ കണ്ടു. എംഐയുടെ പുതിയ റിക്രൂട്ട് ധവാൽ കുൽക്കർണി തന്റെ ടീമംഗങ്ങൾക്കായി പാചകം ചെയ്യുന്ന അർജുൻ ടെണ്ടുൽക്കറിന്റെ ഒരു ചെറിയ ക്ലിപ്പ് ഇൻസ്റ്റാഗ്രാമിൽ പങ്കിടുകയും ചെയ്തു.

നേരത്തെ, മാസ്റ്റർ ബ്ലാസ്റ്ററിന്റെ മകൻ ഇഷാൻ കിഷനെ വീഴ്ത്തിയ യോർക്കർ ബോൾ വീഡിയോ വൈറലായിരുന്നു. വൈറൽ ക്ലിപ്പ് സോഷ്യൽ മീഡിയയിൽ വ്യാപകമായി പ്രചരിച്ചതോടെ, ജൂനിയർ സച്ചിന് മുംബൈയിലെ തന്റെ ഡെബ്യൂട്ട് ക്യാപ് കൈമാറാനുള്ള സമയമായെന്ന് ആരാധകർ പരക്കെ പറഞ്ഞിരുന്നു. എന്നാൽ, ഇതുവരെ അതിനുള്ള അവസരം അർജുനെ തേടിയെത്തിയില്ല. അർജുൻ പ്ലെയിങ് ഇലവൻ കോമ്പിനേഷനിൽ എപ്പോൾ അനുയോജ്യമാണെന്ന് തോന്നുന്നുവോ, അപ്പോൾ തീർച്ചയായും അർജുൻ പ്ലെയിങ് ഇലവനിൽ ഉണ്ടാവും എന്നാണ് മുംബൈ ഇന്ത്യൻസ് മുഖ്യ പരിശീലകൻ മഹേല ജയവർധന ഒരിക്കൽ പറഞ്ഞത്.