ഒരു അധ്യായം കൂടി ഇല്ലാതാകുകയാണ്.. മലയാള സിനിമയിലെ ഒരു തലമുറ ഒന്നൊന്നായി മൺമറഞ്ഞു പോകുന്നു.. ചിരിക്കണമെങ്കിൽ ഇവരുടെ പഴയകാല കോമഡി തന്നെ കാണണം | Mamukkoya And Innocent Viral News
Mamukkoya And Innocent Viral News Malayalam : നാടകത്തിലൂടെ സിനിമയിലെത്തിയ നിരവധി താരങ്ങൾ ഉണ്ടെങ്കിലും മാമുക്കോയ എന്ന അതുല്യപ്രതിഭയ്ക്ക് ഒരു പ്രത്യേക സ്ഥാനം തന്നെ പ്രേക്ഷകർ കൽപ്പിച്ചിട്ടുണ്ട്. കോഴിക്കോടൻ ശൈലിയിലുള്ള സംഭാഷണ ശൈലിയിലൂടെ നാലു പതിറ്റാണ്ടായി സിനിമ ലോകത്ത് നിറഞ്ഞുനിന്ന വ്യക്തിത്വമാണ് ഇദ്ദേഹം.മലയാള സിനിമയിലെ ചിരിയുടെ സുൽത്താൻ എന്നാണ് മാമുക്കോയ അറിയപ്പെടുന്നത്. ഇദ്ദേഹത്തിന്റെ വേർപാട് മലയാളികളെ ഒന്നടങ്കം ഇപ്പോൾ ദുഃഖത്തിൽ ആഴ്ത്തിയിരിക്കുകയാണ്.
കോഴിക്കോട്ടെ സ്വകാര്യ ആശുപത്രിയിൽ വച്ച് ഹൃദയാഘാതത്തെ തുടർന്നായിരുന്നു മാമുക്കോയയുടെ മരണം. ഹൃദയാഘാതത്തിനൊപ്പം തന്നെ മസ്തിഷ്കത്തിൽ ഉണ്ടായ രക്തസ്രാവവും മരണകാരണമാണ്. എന്നാൽ ഈ വർഷം നിരവധി കലാകാരന്മാരാണ് നമ്മെ വിട്ടു പിരിഞ്ഞിരിക്കുന്നത്. സുബിയുടെ മരണംനമ്മെ ഏവരെയും വേദനിപ്പിച്ചിരുന്നു. ഇത് ഒരു അപ്രതീക്ഷിത വേർപാട് ആയിരുന്നു. സുബി മരിച്ച് ദിവസങ്ങൾക്കകം തന്നെ നടൻ ഇന്നസെന്റും നമ്മെ വിട്ടുപിരിഞ്ഞു.
ഇന്നസെന്റിനൊപ്പം നിരവധി കഥാപാത്രങ്ങൾ ചെയ്ത വ്യക്തിയായിരുന്നു മാമുക്കോയ. ഇരുവരും നല്ല സുഹൃത്തുക്കൾ ആയിരുന്നു. പ്രിയ സുഹൃത്ത് വിടവാങ്ങി കൃത്യം ഒരു ഒരുമാസം തികയുമ്പോൾ ഇപ്പോഴിത മാമുക്കോയ എന്ന അതുല്യപ്രതിഭയും ഈ ലോകത്തോട് വിട പറഞ്ഞിരിക്കുന്നു. കഴിഞ്ഞമാസം 26 ആം തീയതിയാണ് ഇന്നസെന്റ് മരണപ്പെട്ടത്. ഒരാഴ്ചയോളം ആശുപത്രി വാസത്തിനു ശേഷമാണ് പ്രിയ നടൻ ഇന്നസെന്റും ഈ ലോകത്തോട് വിട പറഞ്ഞത്.
