ഇവരെ കൊണ്ടുപോയാൽ എട്ടിന്റെ പണി കിട്ടും 😱😱😱സെലക്ടർമാർക്ക് എതിരെ ആകാശ് ചോപ്ര

ദക്ഷിണാഫ്രിക്കൻ പരമ്പരയ്ക്കായി ഇന്ത്യൻ സെലക്ടർമാർ യുവതാരങ്ങളെ ഉൾപ്പെടുത്തി പ്രത്യേക ടീമിനെ തിരഞ്ഞെടുക്കുമെന്ന് റിപ്പോർട്ടുകൾ വന്നതിന് പിന്നാലെ, ദക്ഷിണാഫ്രിക്കയ്ക്കെതിരെ ഇന്ത്യ രണ്ടാം നിര ടീമിനെ ഇറക്കിയാൽ ജയം വിദൂര സാധ്യത മാത്രമാകുമെന്ന് മുൻ ഇന്ത്യൻ താരം ആകാശ് ചോപ്ര അഭിപ്രായപ്പെട്ടു. ഈ വർഷാവസാനം നടക്കുന്ന ടി20 ലോകകപ്പിനുള്ള തയ്യാറെടുപ്പിനായി, ജൂൺ 9-ന് ആരംഭിക്കുന്ന അഞ്ച് മത്സരങ്ങളുള്ള ടി20 പരമ്പരയ്ക്കായി ഇന്ത്യയിൽ എത്തുന്ന പ്രോട്ടീസ്, തങ്ങളുടെ ഫുൾ ടീമിനെ തന്നെയാണ് പ്രഖ്യാപിച്ചിരിക്കുന്നത്.

പരമ്പരയ്ക്കായി ഐപിഎല്ലിലെ സെൻസേഷണൽ പ്രതിഭകൾ ഉൾപ്പെടുന്ന 16 അംഗ ടീമിനെയാണ്‌ ദക്ഷിണാഫ്രിക്ക പ്രഖ്യാപിച്ചിരിക്കുന്നത്. ടെംബ ബാവുമയുടെ നേതൃത്വത്തിൽ ഇറങ്ങുന്ന ടീമിൽ ആൻറിച്ച് നോർട്ട്ജെയും വെയ്ൻ പാർനെലും അവരുടെ ദേശീയ ടീമിലേക്ക് തിരിച്ചുവരുന്നു, അതേസമയം ട്രിസ്റ്റൻ സ്റ്റബ്സിന് തന്റെ കന്നി ദേശീയ കോൾ-അപ്പ് ലഭിച്ചു. എന്നാൽ, രവീന്ദ്ര ജഡേജ, സൂര്യകുമാർ യാദവ്, ദീപക് ചാഹർ തുടങ്ങിയ ചില പ്രധാന കളിക്കാരെ ഇന്ത്യക്ക് നഷ്ടമായതിനാൽ, പ്രോട്ടീസിനെതിരായ പരമ്പരയ്ക്കുള്ള ടീമിൽ മുതിർന്ന അംഗങ്ങളെ തിരഞ്ഞെടുക്കേണ്ടതുണ്ട് എന്ന് ചോപ്ര കരുതുന്നു.

“ഇംഗ്ലണ്ട് പര്യടനത്തിന് മുമ്പ് ഒരു പരീക്ഷണ ടീമിനെ ഈ പ്രോട്ടീസ് പരമ്പരയ്ക്കായി ഇറക്കി അവരെ നിസ്സാരമായി പരാജയപ്പെടുത്താം എന്ന് നിങ്ങൾ കരുതുന്നുണ്ടെങ്കിൽ, അതേക്കുറിച്ച് ഒന്നുകൂടി ചിന്തിക്കുക. ദക്ഷിണാഫ്രിക്ക ഇപ്പോൾ ഒരു മികച്ച ടീമിനെ പ്രഖ്യാപിച്ചിരിക്കുകയാണ്, അതുകൊണ്ട് ഇന്ത്യ ഒരു പരീക്ഷണം ടീമിനെ ഇറക്കിയാൽ ദക്ഷിണാഫ്രിക്ക പരമ്പര സ്വന്തമാക്കും. അതുകൊണ്ട് ഇന്ത്യൻ ടീമിൽ എല്ലാവരും കളിക്കേണ്ടതുണ്ട്,” ചോപ്ര തന്റെ യൂട്യൂബ് ചാനലിൽ പറഞ്ഞു.

“അതിനാൽ, സെലക്ടർമാരോട് ഒരു അഭ്യർത്ഥന, ദക്ഷിണാഫ്രിക്കൻ കളിക്കാർക്ക് വിശ്രമം ആവശ്യമില്ലെങ്കിൽ, നിങ്ങളുടെ പ്രധാന കളിക്കാർക്കും വിശ്രമം നൽകരുത്. നിങ്ങൾ ഇത് നിസ്സാരമായി കാണുകയാണെങ്കിൽ, നമുക്ക് ഹോം ഗ്രൗണ്ടിൽ പരമ്പര നഷ്ടപ്പെടും,” അദ്ദേഹം കൂട്ടിച്ചേർത്തു.