പ്രാർഥിച്ചവർക്ക് നന്ദി, ഉടൻ മേജർ ശസ്ത്രക്രിയ’; രണ്ടാം വിവാഹ വാർഷികം ആശുപത്രിയിൽ കേക്ക് മുറിച്ച് ആഘോഷിച്ച് നടൻ ബാല; എല്ലാവരുടെയും പ്രാർഥന കൊണ്ടാണ് വീണ്ടും വരാനാകുന്നത് | Actor Bala and Elizabeth 2nd Wedding Anniversary Celebration
Actor Bala and Elizabeth 2nd Wedding Anniversary Celebration Malayalam : നിരവധി ചിത്രങ്ങളിലൂടെ മലയാളം തമിഴ് പ്രേക്ഷകരുടെ ഹൃദയം കീഴടക്കിയ നടൻ ആണ് ബാല. കഴിഞ്ഞ കുറച്ചു ദിവസങ്ങളായി നടൻ ബാല ആശുപത്രിയിലാണ് എന്ന വിവരങ്ങളാണ് സമൂഹ മാധ്യമങ്ങളിലൂടെ പ്രേക്ഷകർ അറിഞ്ഞത്. താരത്തിന് പെട്ടെന്ന് സുഖം പ്രാപിക്കട്ടെ എന്ന തരത്തിലുള്ള പ്രേക്ഷകരുടെ പ്രാർത്ഥനകളും സമൂഹ മാധ്യമങ്ങളിൽ നിറഞ്ഞു നിന്നിരുന്നു.
താരം സമൂഹത്തിനു വേണ്ടി ചെയ്യുന്ന പലനല്ല കാര്യങ്ങളും പ്രേക്ഷകർക്ക് അറിയാവുന്നതാണ്. താരം മോളി കണ്ണമാലിയെ സഹായിച്ചതും സമൂഹ മാധ്യമങ്ങളിലൂടെ പ്രേക്ഷകർ അറിഞ്ഞിരുന്നു. ഇപ്പോഴിതാ ആശുപത്രിയിൽ നിന്നുള്ള നടൻ ബാലയുടെ മറ്റൊരു വീഡിയോയാണ് സമൂഹ മാധ്യമങ്ങളിലൂടെ പ്രചരിക്കുന്നത്. താരത്തിന്റെ രണ്ടാം വിവാഹ വാർഷികത്തിന്റെ വിശേഷങ്ങൾ ആണ് ഇവ.
ഭാര്യ എലിസബത്തിനൊപ്പം ആനിവേഴ്സറി കേക്ക് മുറിക്കുന്നതും മറ്റുമാണ് വീഡിയോയിൽ ഉള്ളത്. ബാലയോടൊപ്പം ബാലയുടെ ബന്ധുക്കളെയും ദൃശ്യങ്ങളിൽ കാണാം. ആശുപത്രിയിൽ വച്ചാണ് ഇത്തവണ വിവാഹ വാർഷിക ആഘോഷം. കരൾ രോഗബാധിതനായതിനെ തുടർന്നാണ് താരത്തെ ആശുപത്രിയിൽ പ്രവേശിപ്പിച്ചത്. വളരെ സങ്കീർണമായ അവസ്ഥയിലൂടെയാണ് താരം കടന്നുപോയത്. തനിക്ക് ഇനിയുള്ളത് ഒരു മേജർ ശസ്ത്രക്രിയ ആണെന്നും താരം വീഡിയോയിൽ പറയുന്നുണ്ട്.
