കോഹ്ലി അറിഞ്ഞോ രോഹിത് ആ നേട്ടവും തകർത്തു 😱റെക്കോർഡുകൾ പി താവായി ഹിറ്റ്മാൻ

വെസ്റ്റ് ഇൻഡീസിനെതിരായ ഒന്നാം ടി20 മത്സരത്തിൽ അർദ്ധ സെഞ്ചുറിയുമായി തിളങ്ങിയ ഇന്ത്യൻ ക്യാപ്റ്റൻ രോഹിത് ശർമ്മ, ഒരുപിടി റെക്കോർഡുകൾ ആണ് സൃഷ്ടിച്ചിരിക്കുന്നത്. വെസ്റ്റ് ഇൻഡീസിനെതിരെ 44 പന്തിൽ 7 ഫോറും 2 സിക്സും സഹിതം 145.45 സ്ട്രൈക്ക് റേറ്റിൽ 64 റൺസാണ് രോഹിത് നേടിയത്. ഹിറ്റ്മാൻ തന്നെയാണ് മത്സരത്തിൽ ഇന്ത്യയുടെ ടോപ് സ്കോറെറും.

ഈ പ്രകടനത്തിലൂടെ, ടി20 ഇന്റർനാഷണൽ ക്രിക്കറ്റിൽ ഏറ്റവും കൂടുതൽ അർധ സെഞ്ച്വറി നേടുന്ന ബാറ്ററായി മാറിയിരിക്കുകയാണ് രോഹിത് ശർമ്മ. 31 അർധ സെഞ്ച്വറികൾ നേടിയ രോഹിത്, മുൻ ഇന്ത്യൻ ക്യാപ്റ്റൻ വിരാട് കോഹ്ലിയെയാണ് (30) ഈ പട്ടികയിൽ മറികടന്നിരിക്കുന്നത്. മാത്രമല്ല, അന്താരാഷ്ട്ര ക്രിക്കറ്റിൽ വെസ്റ്റ് ഇൻഡീസിനെതിരെ ടി20 ഫോർമാറ്റിൽ ഏറ്റവും കൂടുതൽ അർധ സെഞ്ച്വറി നേടുന്ന ബാറ്ററായും രോഹിത് മാറി. ഈ പട്ടികയിൽ 6 അർധ സെഞ്ച്വറികളുമായി രോഹിത്തും കോഹ്‌ലിയും തുല്യരായി.

ടി20 ഫോർമാറ്റിൽ ഒരു എതിരാളിക്കെതിരെ ഏറ്റവും കൂടുതൽ റൺസ് നേടിയ ബാറ്റർമാരുടെ പട്ടികയിൽ രോഹിത് രണ്ടാമനായി. വെസ്റ്റ് ഇൻഡീസിനെതിരെ ടി20 ഫോർമാറ്റിൽ 649 റൺസാണ് രോഹിത്തിന്റെ സമ്പാദ്യം. അതേസമയം, ഓസ്ട്രേലിയക്കെതിരെ ടി20 ഫോർമാറ്റിൽ 718 റൺസ് നേടിയിട്ടുള്ള വിരാട് കോഹ്ലിയാണ് ഈ പട്ടികയിൽ ഒന്നാമൻ.

കൂടാതെ ടി29 ഫോർമാറ്റിൽ ഏറ്റവും കൂടുതൽ റൺസ് നേടുന്ന ഇന്ത്യൻ ക്യാപ്റ്റൻമാരുടെ പട്ടികയിൽ രോഹിത് ശർമ രണ്ടാമനായി. 1117 റൺസ് നേടിയ രോഹിത്, മുൻ ഇന്ത്യൻ ക്യാപ്റ്റൻ എംഎസ് ധോണിയെയാണ് (1112) മറികടന്നത്. വിരാട് കോഹ്ലിയാണ് (1570) ഈ പട്ടികയിൽ ഒന്നാമൻ. ഏറ്റവും കൂടുതൽ അന്താരാഷ്ട്ര റൺസ് നേടുന്ന ഇന്ത്യൻ ഓപ്പണർമാരുടെ പട്ടികയിൽ രണ്ടാമനാണ് രോഹിത് ശർമ്മ. കഴിഞ്ഞ ദിവസത്തെ പ്രകടനത്തോടെ 9000 റൺസ് എന്ന നാഴികക്കല്ല് മറികടന്ന രോഹിത്തിന്റെ ഇപ്പോഴത്തെ സമ്പാദ്യം 9021 റൺസാണ്. സുനിൽ ഗവാസ്‌കർ (9990) ആണ് ഈ പട്ടികയിൽ ഒന്നാമൻ.